28 мамыр күні Темір аудандық көркемсурет мектебі мен Темір аудандық Жастар ресурстық орталығының ұйымдастыруымен «ART TALENT – 2026» дарынды оқушылардың шығармашылық көрмесі өтті.
Көрменің негізгі мақсаты – дарынды оқушылардың шығармашылық қабілеттерін дамыту, өнерге деген қызығушылығын арттыру, эстетикалық талғамын қалыптастыру және жас таланттардың еңбегін көпшілікке насихаттау. Сонымен қатар, оқушылардың қиялы мен шеберлігін шыңдап, өнер арқылы ұлттық және рухани-мәдени құндылықтарды дәріптеу көзделді.
Іс-шара барысында жас суретшілер өздерінің үздік шығармашылық жұмыстарын көпшілік назарына ұсынып, өнердегі ізденістері мен қабілеттерін танытты. Көрме соңында белсенді қатысушылар мен үздік жұмыстардың авторларына алғыс хаттар табысталды.